Una poesia par Fabio
Vardéi lá i bóce de Tzechini, come gianizeri drío el fiúm, túti scalmanái iá butá vía la giachéta e le braghe de tela, qualchedún ánca la cravata che el ghe véa robá a so nono.
E adés i ghe fa veder el fisico a le tose che da drio del arzine le varda curiose, túte sconte drío i salési e i talponi de la restera, ma lóri i lo sa e alora i fa i muscói, un el posa come un Rodolfo Valentino meneghél, naltro el cerca de sbrigarse, quei sul fondo iá pena sintío par la radio de tute le bóte chél véa ciapá Primo Carnera.
La Via Paal de Tzechini, quei anni lá iéra el Meduna, el Bósc, el Codopé, el Cantón, e túti i iéra teddy boys, tutti i iéra bravi bociarán, un piát de polenta tre volte al giorno e no sempre, le croste se ghin restéa sua cagliera e te iéra el pí svéio. Tanta iéra la alegria in medo de tanta pelagra e tanti pedóci...
Maurizio Bagatin, 9 de febrarút 2021
Foto: Il fiume Meduna a Cecchini (Tzechini) anni '30
0 Comentarios